எந்த வயதில் பாலியல் விஷயங்கள் குறித்து பெற்றோர்கள் பிள்ளைகளிடம் பேசலாம்?

ஒரு பெண் குழந்தை வயதுக்கு வந்தவுடன் அவளுக்கு ஏற்படும் மாற்றங்களை புரிய வைக்க அவளது தாயார் இருப்பார். இதன் மூலம் ஒரு பெண் தன் உடலில் ஏற்படும் மாற்றங்களை புரிந்து கொள்கிறார். ஆனால் ஒரு ஆண் குழந்தை வயது வந்ததை பற்றி புரிய வைக்க யாரும் முன் வருவதில்லை. பெற்றோர்கள் இது குறித்து அவனிடம் பேசுவதில்லை. இதனால் என்னவோ ஆண் குழந்தைகளுக்கு சரியான பாலியல் புரிதல்கள் இருப்பதில்லை. அதுமட்டுமல்லாமல் ஆணோ பெண்ணோ சுய இன்பம் காண்பது ஒரு இயற்கையான ஒன்று. ஆனால் இதை பெற்றோர்கள் சரியாக புரிந்து கொள்ளாமல் சுய இன்பம் காண்பதை ஒரு பெரிய தண்டனைக்குரிய விஷயமாக கருதி வருகின்றனர். அந்த மாதிரி உங்க பிள்ளைகள் செய்யும் போது அதற்காக அவர்களை தண்டிக்காமல் இந்த டீன் ஏஜ் வயதில் ஏற்படும் மாற்றங்கள் குறித்து அவர்களிடம் எடுத்து சொல்லுங்கள். அது தான் அவர்களுக்கு உதவியாக இருக்கும். அவர்களும் சரியான வழியில் நடந்து கொள்வார்கள் என்கிறார் உளவியல் நிபுணர்.

கேள்வி :

ஹாய், நான் ஒரு 39 வயதான திருமணமான பெண். எனக்கு ஒரு மகன் இருக்கான். அவனுக்கு 12 வயது ஆகிறது. ஒரு நாள் எனக்கு மிகவும் குழப்பமான சங்கடமான சூழ்நிலை ஏற்பட்டது. ஒரு நாள் என் மகனின் அறையில் இருந்து ஒரு வித சத்தம் கேட்டது. அவனின் அறை எங்கள் அறைக்கு அருகில் உள்ளது. யாராவது எங்க வீட்டிற்குள் நுழைந்து விட்டார்களோ என்ற கவலையில் என் மகனின் அறையை நோக்கி நடந்தேன். நான் அவனது கதவை எட்டிப் பார்த்த போது நான் அதிர்ச்சி அடைந்தேன். என் மகன் சுய இன்பம் செய்து கொண்டு இருந்தான். அவனுடைய லேப்டாப் இயக்கத்தில் இருந்தது. நான் அவனை எதுவும் சொல்லாமல் அங்கிருந்து என் அறைக்கு திரும்பி விட்டேன். என் கணவர் மிகவும் பழமைவாத இதை பற்றி அவரிடம் சொன்னால் கண்டிப்பான தந்தையாக நடந்து கொள்வார்.

என் மகனும் சமீப காலமாக ரகசியமாக நடந்து வருகிறான். அவனிடம் ஸ்மார்ட் போன் உள்ளது, அதற்கு ரகசியமாக பாஸ்வேர்ட் போட்டும் பயன்படுத்தி வருகிறான். ஒரு சில மாணவர்கள் ஆபாச படங்கள், வீடியோக்கள் பகிர்ந்ததாக அவனின் பள்ளியில் ஒரு சம்பவம் வேற நடந்தது. என் மகனும் அத்தகைய வேலையில் நடந்து கொள்வானோ என்கிற பயம் என்னுள் வருகிறது. சுய இன்பம், ஆபாச படங்களை பார்க்க வேண்டிய வயதாக இதை நான் நினைக்கவில்லை. அவன் மிகவும் சின்ன பையன். எனக்கு இது குறித்து அவனிடம் எப்படி பேசுவது என்றே தெரியவில்லை. சிறுவர்கள் எப்படி பாலியல் ரீதியாக தூண்டப்படுகிறார்கள். என் மகனின் பிரச்சினையை நான் எப்படி சரி செய்வது, எது நல்லது எது கெட்டது என்பதை எப்படி புரிய வைப்பேன். தயவு செய்து எனக்கு உதவுங்கள் என்று உளவியல் நிபுணரிடம் கேட்டுக் கொண்டுள்ளார்.

உளவியல் நிபுணர் பதில்

ஆரோக்கியமான பாலியல் கல்வியை குழந்தைக்கு சொல்லிக் கொடுப்பதும் பெற்றோரின் ஒரு பகுதி கடமையாகும். பாலியல் கல்வி பற்றிய மதிப்புமிக்க நிறைய தகவல்களை இளைஞர்கள் இழக்கிறார்கள் என்று ஆராய்ச்சிகள் கூறுகிறது. குழந்தைகள் ஒரு வயதுக்கு வரும் போது பெற்றோருடான நெருக்கத்தை இழக்கிறார்கள். குறிப்பாக தந்தையுடன் பேசிவதை தவிர்க்கிறார்கள். இங்கே ஒரு அம்மா தான் நெருக்கமாகவும் உணர்ச்சி ரீதியான அம்சங்களை உரையாற்றவும் குழந்தைகளுடன் பேச்சு அதிக வாய்ப்பு உள்ளது.

பெரும்பாலான பெற்றோர்கள் குழந்தையின் படிப்பு சம்பந்தமான செயல்களிலயே மட்டும் கவனம் செலுத்துகிறார்கள். மற்ற செயல்களை அவர்கள் கவனிக்க மறந்து விடுகிறார்கள் அல்லது ஒத்தி வைக்க முயல்கிறார்கள்.

தொடர்ச்சியான செயல்

பாலியல் கல்வி என்பது ஒரு தொடர்ச்சியான செயல். ஒரே நாளில் இதை பற்றி ரெம்ப தூரம் பேசாமல் அவ்வப்போது இது குறித்து சிறிய சிறிய உரையாடல்களை உங்கள் குழந்தைகளிடம் பேசி வரலாம். பாலியல் கல்வி என்பது பாலியல் மட்டுமல்ல அதனுடன் தொடர்புடைய செயல்பாடுகள் குறித்தும் பேச வேண்டும். அவர்களின் தனிப்பட்ட சுகாதாரம், ஆரோக்கியமான மற்றும் பாதுகாப்பான பாலியல் நடைமுறைகள், மனித உயிரியல் தேவை போன்றவற்றை யும் பேச வேண்டும்.

ஏன் அவசியம்?

பருவமடையும் போது பதின்ம வயதினர்கள் ஹார்மோன் எழுச்சி மற்றும் அனுபவங்களைப் புரிந்துகொள்ள முயற்சிக்கும் ஆர்வத்துடன் தீவிர உடல் மாற்றங்களுக்கு உட்படுகிறார்கள்.இந்த ஆர்வம் அவர்களை ஆபாச படங்கள் வீடியோக்கள் போன்ற தகவல்களை தேட தூண்டும். நண்பர்கள் போன்றவற்றிடம் இருந்து அதைப் பெறவும் முயல்வார்கள். இதனால் ஆரோக்கியமற்ற தீங்கு விளைவிக்கும் நடைமுறைகளுக்கு இது வழிவகுக்கும். மதிப்புமிக்க மற்றும் பாதுகாப்பான தகவல்களை வழங்காத ஆன்லைன் தளங்களில் அவர்கள் சிக்கிக் கொள்ளக் கூடும். எனவே பாலியல் தொடர்பான வெளிப்படையான பேச்சை உங்க குழந்தைகளிடம் பேச முயலுங்கள். உங்க உரையாடல்கள் சாதாரணமாக இருந்தால் தான் உங்க மகனும் தன் மனதில் ஏற்படும் கருத்துக்களையும் உங்களிடம் கூறுவார்.

ஒருவருக்கு துணை ஏன் அவசியம் மற்றும் அதன் பிண்ணனியில் உள்ள தேவைகள் குறித்தும் பெற்றோர்கள் கவனம் செலுத்தலாம். எனவே பாலியல் தேவை என்பதை உடல் தேவையாக பார்ப்பதோடு மட்டுமல்லாமல் உணர்ச்சி மற்றும் உளவியல் தேவைகளுக்காகவும் தான் என்பதை உணர்ந்து அந்த வழியில் செயல்படுவது நல்லது. பெருத்தமான வயதில் காதல் உறவுகளை உருவாக்குவதற்கும் முக்கியத்துவம் கொடுக்கலாம் என்று உளவியல் நிபுணர் கூறியுள்ளார்.

Spread the love

Leave a Reply