இந்த லாக்டவுன்ல கூட இப்படிலாம் நைட் டேட்டிங் பிளான் பண்ணலாம்

இந்த கொரோனா லாக்டவுன் ஒவ்வொருவருக்கும் ஒவ்வொரு பாடத்தை சொல்லிக் கொடுத்து சென்று உள்ளது என்றே கூறலாம். அதிலும் காதல் ஜோடிகளுக்கு இடையே இந்த தனிமை ஒரு நெருக்கத்தை ஏற்படுத்திச் சென்றுள்ளது. நிறைய தம்பதிகள் தங்கள் காதல் இரவை அழகாக்க மால்கள், திரையரங்குகள், உணவகங்கள் என்று சுத்தாமல் தங்களுடைய பொழுதை ஒரே வீட்டில் ஒன்றாக கழித்து வருகிறார்கள். இது ஒருபக்கம் இருந்தால் கூட பல தம்பதிகளுக்கு இந்த லாக்டவுன் மன அழுத்தத்தை கொடுக்கிறது என்றும் மக்கள் சிந்திக்கின்றனர். காரணம் ஒரு பக்கம் வீட்டில் இருந்து வேலை, சமையல், சதா டீவி என்றே தங்கள் நாட்களை கழிக்க வேண்டியுள்ளது. அன்றாட நாளில் எந்த வித்தியாசமும் இல்லாமல் இருப்பதே நிறைய பேருக்கு தொந்தரவாக இருக்கிறது. சரி உங்க டேட்டிங் நாளை எப்படி அழகாக்கலாம். உங்க துணையுடன் நேரம் கழிப்பதை எப்படி வித்தியாசப்படுத்தலாம். இதோ அதற்கான விரைவான தீர்வுகள் இங்கே.

கேன்டிலைட் டின்னர்

டேட்டிங் இரவு என்றாலே மெழுகுவர்த்தி இரவு என்பது கண்டிப்பாக இடம் பெறும். தினசரி வீட்டு வேலைகளை ஆபிஸ் வேலைகளை முடித்து விட்டு சோர்வாக படுக்கும் போது எப்படி தம்பதிகளுக்கிடையே நெருக்கம் அதிகமாகும். இதுவே உங்க துணையுடன் ஒரு அழகான இரவை கழித்தால் எப்படி இருக்கும் என்று யோசித்து பாருங்கள். இதற்காக வெளியே சென்று நிறைய மெனக்கெடல்களை எடுக்க வேண்டும் என்ற அவசியம் கிடையாது. சில மெழுகுவர்த்தி விளக்குகள் , குவளை மீது சில அழகான பூங்கொத்துகள், பிண்ணனியில் மென்மையான இசை போன்றவற்றை ஒலிபரப்ப வேண்டும். உங்க டேட்டிங் இரவை அழகாக்க இதை விட பெரிய விஷயம் கிடையாது. இந்த அழகான இரவு உங்க இருவரின் சுற்றுப்புறத்தையும், மனநிலையும் மாற்ற உதவும் .

இரவில் ஒரு அழகான திரைப்படம்

நீங்கள் சோர்வாக இருக்கும் சமயங்களில் இந்த காதல் ட்ரிக் உங்களுக்கு உதவியாக இருக்கும். இருவரும் இணைந்து உங்களுக்கு பிடித்த காதல் திரைப்படங்களை பட்டியலிட்டு பார்த்து வரலாம். உங்க இரவு உணவை முடித்த பிறகு கூட இதை நீங்கள் செய்யலாம். இதை நீங்கள் இன்னும் சுவராஸ்யமாக்க விரும்பினால் காதல் காட்சிகளை தேர்ந்தெடுத்து இயற்றலாம். காதல் கதாநாயகன், நாயகியாக நீங்கள் மாறலாம்.

​காதல் சூழலை உங்களைச் சுற்றி உருவாக்குதல்

பல நாட்களாக வீட்டிற்குள்ளேயே இருப்பது உங்க சூழலை மோசமாக்கலாம். எனவே உங்க வீட்டு சூழலையே மாற்றுவது உங்களுக்கு புதுவித காதல் அனுபவத்தை வழங்க வாய்ப்பு உள்ளது. ஒரு கான கண்ணாடி குடுவையில் மலர்கள் இட்டு வாசனை மெழுகுவர்த்தி ஏற்றி, உங்களுக்கு பிடித்த காதல் மெலோடியை ஒலிக்க வைத்து சின்ன சின்ன மாற்றங்களை ஏற்படுத்தி உங்க காதலில் ஒரு அழகான மாற்றத்தை கொண்டு வரலாம்.

இந்த அழகான காதல் யோசனைகள் உங்களையும் உங்க துணையையும் மகிழ்ச்சி உள்ளவராக மாற்றும்.

Spread the love

Leave a Reply