#5DecadesOfSuperstarRAJINI: ட்விட்டரில் ரஜினி ரசிகர்கள் தேசிய ட்ரெண்ட்! விஜய் ரசிகர்கள் போட்டிக்கு ட்ரெண்டு செய்த விஷயம்

நடிகர் ரஜினிகாந்த் சினிமாவில் நடிக்க வந்து 45 வருடங்கள் ஆகிவிட்டது. தற்போதும் இந்திய அளவில் பேசப்படும் முன்னணி நடிகராக இருக்கிறார் அவர். இந்நிலையில் ரஜினி ரசிகர்கள் ட்விட்டரில் ரஜினியை கொண்டாடும் விதமாக #5DecadesOfSuperstarRAJINI என்ற ஹேஸ் டேக்கை தேசிய அளவில் ட்ரெண்ட் செய்து வருகின்றனர்.
வெறும் ஒரு மணி நேரத்தில் 1 லட்சம் ட்விட்டுகளுக்கும் அதிகமாக ரஜினி ரசிகர்கள் பதிவிட்ட உள்ளனர்.
பிரபலங்களும் பலரும் ரஜினி பற்றி பதிவிட்டு உள்ளனர். இசையமைப்பாளர் அனிருத் ட்விட்டரில் இது பற்றி பதிவிட்டுள்ளார்.
70கள் துவங்கி தற்போது வரை ரஜினியின் தோற்றத்தினை குறிப்பிட்டு பல ரசிகர்கள் போஸ்டர் உருவாக்கி வெளியிட்டு வருகின்றனர்.
ரஜினி பற்றி தல அஜித் ரசிகர்கள் பலரும் ட்விட் செய்வதை பார்க்க முடிந்தது.

ஆனால் விஜய் ரசிகர்கள் ரஜினி ரசிகர்களுக்கு போட்டியாக காமலிறங்கியுள்ளனர். #ரஜினியை_வீழ்த்திய_விஜய் என்ற ஹாஸ் டேக்கை அவர்கள் ட்ரெண்ட் செய்ய துவங்கியுள்ளனர். ரஜினியை விட விஜய்யின் பாக்ஸ் ஆபிஸ் வசூல் அதிகம் என குறிப்பிட்டு அவர்கள் ட்ரெண்ட் செய்து வருகின்றனர். இதுவும் ட்ரெண்டாகி வருகிறது.

இதனால் ட்விட்டரில் ரஜினி ரசிகர்கள் மற்றும் விஜய் ரசிகர்கள் இடையே மோதல் நடந்து வருகிறது.

சமூக வலைத்தள சண்டையை ரசிகர்கள் அவ்வப்போது இப்படி தேசிய அளவில் ட்ரெண்ட் செய்து நடத்துவது பலரையும் நிச்சயம் முகம் சுளிக்க வைக்கும்.

ரஜினி தற்போது அண்ணாத்த படத்தில் கவனம் செலுத்தி வருகிறார். சிவா இயக்கும் அந்த படத்தின் ஷூட்டிங் கொரோனா லாக்டவுன் முன்பு வரை ஹைதராபாத்தில் நடந்தது. கொரோனா பிரச்சனையால் ஷூட்டிங் நிறுத்தப்பட்டு உள்ள நிலையில் அரசு அனுமதி அளித்தபிறகு அது மீண்டும் துவங்கும் என எதிர்பார்க்கப்படுகிறது.

மறுபுறம் நடிகர் விஜய் மாஸ்டர் படத்தின் ரிலீஸுக்காக காத்திருக்கிறார். கொரோனா லாக்டவுனால் அந்த படத்தின் ரிலீஸும் பாதிக்கப்பட்டு உள்ளது. புதிய ரிலீஸ் தேதி எப்போது வரும் என்று தான் ரசிகர்கள் காத்திருக்கின்றனர்.

Spread the love

Leave a Reply